forwarded poetry

It's about Germana's Poetry

Tunok sa Txt-txt
By: Germana Cosido

Ang cellphone nga pirming unlimited
Pastilan ! Piligro ….maguba kini
Ug sama sa hangin, mulupad ang mensahe,
Kung ang text tubayan, mahimong tunok sa dughan,
Maglimbagay ka sa kahapdus, maghagiros ka.
Kung ang imong kamot magkapuliki sa pagtulpok sa letrang ABC…
Magngul-ngul, mag-umido ang kasakit –musampak sa turnilyo.
Inanay manuhut-suhut sa unod,mukutkut sa bukog.
Dayon kung imong pangutan-on ang tawu nga wala’y lingaw
Lisud ang kinataw-an, bugal-bugalan ka bisag imong kaila pa,
Apan hibaw-i, kung ang kasingkasing masamdan,lisud ang pag-alim sa tunok..
Lisud ang pagpahiyom kay ang kala nagpabiling nag-umido
Ug nag-uylap.matag pitik sa kasing-kasing, mag anam ug pagdulot ang tunok
Magdagan-dagan subay sa kaugatan diin nagagikan sa cellphone nga imong gikuptan
Di pod mahimong ilambus sa semento ug sa bato
Kay kini anugon man, lisud pod buslotan kay dili gihapon kini mawani sa katui-gan.
Di gani mahimong operahan ug itumar’g tambal
Nilamay na sa kinatibuk-an.
Makutaw gyud ang imomg utok, ug matag tulpok sa huna-huna
Luha milugmaw, kay ang text-text makadugmok sa pagsalig nga unlimited
Ang kayo mulabay sama sa hangin nga nagkaway-kaway sa tumang pagmahay.
Igo na lang sila’ng mangagho! Kay lisod na pabalikon ang mensahe kay na send na kini.
Ang katui-gan motam-ok man sa agi-anan,
Apan ang tunok nagpabiling buhing handumanan sa kayo nga giabusaran.


Gamhanang Gugma

Nganong gamhanan ka man Gugma?
Kinsa ug unsa ka ba nga daghan man ang nangalingla?

Mga batan-on,maulitawu man o dalaga nagkaproblema.
Pastilan, dili gyud basta-basta!

Ingon ana kana ba ka-gamhanan nga nakabig mo man ang kasing-kasing sa tagsa-tagsa?
Unsa ma’y imong karisma aron maangkon ang bulawan’g hugyaw sa tanang katawhan?

Gugma! O gugma! Pisti,gi-atay ka! Nganong ingon ka man ni-ini katingala?
Wala kay batasan, ang kaputli sa imong inahan apil mong gibi-ay bi-ayan.

Pagbaton ug kaikog kay hinumdumi: ikaw ang Gugma nga gibalaan sa Niya!


GUNITI KO NAY SAMTANG NAGLAKAW TA SA SIMBAHAN

Guniti ko Nay samtang naglakaw ta sa simbahan
Kusga ug samut,kanang imong mga lakang
I-undak ang imung mga tiil aron mapalid
Ang mga laya nga dahon
nga nag-ali sa atong agi-anan.
Sa mga lim-aw nga atong malabyan,
Guniti ang akong kamot arun dili ko nimo mabiyaan.
Ug ang ka-init sa imong palad, mulagbas sa akong kasing-kasing.
Pikpika kining akong bukobuko,
Ug paminawa ang hinagubtub sa akong dughan.
Sa mga libaong unya nga atong maagi-an,hugta unya ako sa paggakos,
Aron mabatyagan ko ang pinitik sa imong kasingkasing.
Dayon samtang magtungas kita, sa kabulihan puniton ta ang puti nga bato ug ilabay sa naggukod nga iro aron mangatras sila sa kahadlok.
Padayon kita sa paglakaw dala ang puti nga bato nga maoy atong taming
Dayon samtang hapit na kita maabot sa simbahan,manghugas kita sa atong mga kamot ug tiil aron matangtang ang abog nga namilit sa atong panit.

Ug sa maka-usang higayon, kalit nga mibidlisiw ang adlaw nga mapahiyumong naglantaw diri kanako…


Ang silaw sa kahayag, nagdan-ag sa maayong kaugmaon!